滄海得啖笑~

今天，一日之計夭折，原本有著滿盤計劃，把心一橫，決定繼續得過且過。

在赴購物中心路上，看見很多不同派別的大字報，當中有峨嵋武當崑崙華山派，由小巷穿出大街，一路上映入眼簾的只有“嘩衆取寵”四個字。左邊一片波濤汎濫的赤海，右邊配上一片熾熱沸騰的青天，哇，真他媽的煞是好看。

人人都說：“人逢喜事精神爽”，看來又是另一項盛舉，普天同慶之日。令人汗顔的是，無論從哪個角度，放眼望去就可以看到一張比一張大的海報，一面比一面別出心裁的旗幟，一板接一板‘懶’有文化的大字報，低俗的措辭，毫無押韻的對聯，單調乏味的橫批，比靈骨塔還多的車頭照，還有一杯杯敬對方的指鹿爲馬“柠檬三酸茶”（夠潤啊！）。如果不知情，還以爲是通緝的朝廷欽犯……哇！江山代有才人出，個個風騷數十年啊。一個忠忠直直，天下無敵；另一個高大威猛，玉樹“林峰”。

來，站在一個很中肯的立場，很沒有修飾的人性，我們以最純潔簡單的思維來看待這項事宜。

一：《浪費公帑》……這邊廂呼籲環保行動刻不容緩，提倡愛護地球人人有責；那邊廂大肆印刷如火如荼進行，印刷多多益善，越大越鮮麗越誇張越好……前言不對后語，矛盾重重，浪費公帑成立……

二：《影響市容》……了解每個人對美有著不同觀點，審美觀亦因人而異。原本好好的綠野大道，被視線阻礙物一重接一重蓋過，讓一望無際的視野霎那變得滿目瘡痍。除了無奈，還有“得啖笑”。人生啊！是不是真的偶爾就是要有點不堪入目，啊不然就很難顯現出美的一面？

三：《嘩衆取寵》…… 所謂水能載舟，也能煮粥。同樣地，大家似乎忽略了嘩眾除了可以取寵，亦隨時也會失寵。堅信“出得嚟行，預咗要還”，所以過於吹捧會讓人覺得有种在吹水的錯覺，屆時交不出貨，唯有再次上演孔明借東風咯！

滄海一聲笑，嘆息冤冤相報何時了？既然大便都可以勉強忍忍，還有什麽事情忍不了？

愚昧的結論是：朝中無大將，部分飽暖思淫慾；野火燒不盡，無奈只是近黃昏。

我相信，觀心不用腹中取，看人何需面對面咧？無論怎樣，每個人都應該盡該盡的責任。當下我雖則路見不平，但願可以己不勞心……

（以上情感抒發，如有雷同，純屬有咁啱得咁橋）

有果句講果句

唸起就把鬼火﹐今日我個心情本來已經唔係幾靚﹐跟住遇到要duty又仲未食野﹐
個心就喇住喇住好唔舒服。我當時心唸﹐最好宜家唔好耶我﹐唔係既話﹐玉皇大帝都冇面俾。

奇怪﹐明明得我一個人duty﹐點解間房好似難民營咁﹐想搵啖新鮮空氣吸下都好難。
後尾黎左個戳眼戳鼻既xx﹐人衰名都衰過人﹐
唔知點解由頭一日開始﹐我已經覺得呢個人橫睇掂睇都唔順眼。
尤其是係佢自我介紹果一刻﹐唸起就嬲多幾錢重。
咩﹐咩﹐大家好﹐我叫xx﹐你地可以叫我xx。
講咁Q多廢話﹐佢唔知察覺到自己煩唔煩﹐唸住自己講d野好有深度﹐去死啦﹗知唔知我地一個二個笑緊你入世未深啊﹐懵佬﹗

明明係我duty﹐我唔該你留返d野過我做啦﹐邀功唔駛邀到咁出面既﹐方死人家唔知你天生勞碌命咩﹖咁Q仲意做﹐不如唔好讀啦﹐求其搵份打雜咪做餐飽咯。你做晒﹐唔通搵我返黎齋坐啊﹖霎憨﹗

冇變啦﹐d工夫都俾人攬晒上身﹐我唯有拎d隔夜功課出黎做。鬼叫自己衰懶﹐d assignments平時眼尾都唔會睄下﹐我呢庭人唔到十萬火急“拉絲”分鐘係唔知殺到埋身嘎。講返黎做功課﹐咁大佬啊﹐唔明就梗係睇答案啦﹐我自認冇麼上進心﹐睇下答案駛死咩﹖加上唔關你事﹐咁八做乜唶﹖

點解你抄答案啊﹖
關你叉事咩﹖
識趣就唔該行遠少少啦﹐唔好左住阿叔溫書。
d人唔知點解﹐人refer答案好似犯左刑事咁﹐問呢樣問果樣﹐你小學幾年班啊﹐弟弟﹖
哥哥家陣好忙﹐你如果未夠斤兩就唔該同我彈開d啦。
最弊就係佢好似成尊佛咁﹐請極都唔走。
最後﹐我好唔客氣同佢講﹕
“每一個人都有唔同既讀書方法﹐你可以唔認同﹐但係我冇必要認同你既唔認同。明未﹖如果冇事就唔該借借﹐擋住晒d光線﹐我好難集中。”

好啦﹐終於趕走左一件﹐另一件又黎惹我。仁兄﹐乜君不見在下唔得閑應酬你咩﹖
唷﹐咁勤力做乜唶﹖
我忍~
係咯﹐咁勤力做乜唶﹖
你阿爺啊﹐阿叔唔發火你當我劉嘎﹖
我當時好想企起身問候佢祖宗十八代﹐好彩耐性呢家野教曉我唔好對無謂人做無謂野。
我淨係好淡定咁同佢講﹐
你伯爺年年食唔食都要嘔二萬蚊黎交你個忤逆仔既學費﹐唔勤力﹖除非你伯爺開金礦咯﹗

講完我就執嘪d野閃﹐今日好燥﹐唔知係唔係餓過頭咧﹖

變啦﹐變啦﹗最好冚嘭濫變晒﹗

今日我有個印度fren從彭亨過嚟怡保間別墅度假﹐(真係幾大間嘎)。一場嚟到﹐我梗係帶佢出去飲番兩杯......白咖啡啦。之後我哋決定去近打河邊D露天咖啡座嘆番兩嘢。一到就見到大把停車位﹐我心唸無理由嘎﹐星期五播﹐離遠睇真D﹐既然發覺冇麼人消費﹐可能變天一事攪到一個二個唔敢出街呱。

講開又講﹐最近真係多左好多警車巡邏﹐路障“剝落”周不時都會好失驚無神咁唔知邊噓彈出嚟﹐我又興唔攔安全帶﹐梗係嚇餐死啦。我所以成日都話﹐你哋班小朋友要攪嘢唔該行遠D咁爹啦﹐唔好見怡保靜靜底就整單结澾澾嘅嘢出嚟擾亂民心﹐家陣安樂啦﹖日日攪到班市民爆粗亂插﹐有麼為咧﹖其實大家心中有都個譜﹐邊個唔著﹐邊個使橫手﹐明眼人都睇得出。世界就係咁現實嘎啦﹐唔係玩唔起﹐只不過有D人對腳就硬係唔聽使﹐習慣左打橫行啵﹐你吹啊﹖講起就把鬼火﹐我嗰個印度fren又幾識趣﹐一邊聽我講﹐一邊煽風點火﹐真係懷疑佢驚死我唔爆血管。


撇開個好燥熱嘅話題唔講﹐跟住我哋就行左入間類似博物館嘅展覽廳﹐(我講緊D麼﹖好亂水~)﹐入邊展出以前壩邏(宜家換左個名叫“怡保”)D工人採錫米用嘅工具啦﹐同埋酒店公寓單位展示。當我同我個fren手指指﹐講緊只陳年煤氣油燈時﹐有個工作人員笑口犀犀颯熟狗头咁嗰样行上嚟介紹呢樣介紹個樣﹐我心唸﹕“麼佢唔可以靜靜哋畀我慢慢睇乜﹖”。都唔緊要啦﹐仲要講埋晒唔係幾正統嘅英文串我﹐我忍~

飲完茶﹐返歸果陣見到有條大路封左﹐仲要畀D警察叔叔兜口兜面order我彈返轉頭。難為我仲要兜個大圈先返到屋企﹐真係冇陰公﹐下次封D麼窿麼路唔知D新聞報紙會晤會提早通知聲咧﹖假假哋我......嘅老豆都係無花無假嘅納稅人啦﹐收左錢係唔係應該做番D功夫咧﹖

有咁耐风流就有咁耐折堕~

唔駛急﹐最緊要快~
聽見呢句話﹐唔知笑好﹐定係喊好。
有乜分別嘞﹖
冇咁直接﹐雖然趕﹐但係做起上來條氣順啲。
救命啊﹐最近明明冇麼嘢做﹐之但係因乜解救日日都feel到仲係咁忙嘅﹖
啲同學成日都話功課多到做唔晒﹐得閑死唔得閑病啊陰公﹗

哪哪哪﹐大學生活就係咁盏鬼啦﹐搞到你人唔似人﹐鬼唔似鬼咁。
第二啲唔講﹐講啲死人mid terms﹐真係少啲心血都會畀佢嚇餐飽﹐
阿sir最仲意喺早一個禮拜通知﹐
攪到我哋班學生一有乜依郁﹐就拿拿啉噙噙青﹐滾水熝腳沒覺好訓~
總之攪到我哋陀陀拎啦﹗

所以通常考試都係侧侧膊﹐考完就算。
當一個二個垂頭喪氣行出嚟嗰陣﹐
(以下有啲粗俗同目無尊長﹐敬請原諒﹐當時真係好興~)
啲發瘟阿sir就會好風涼咁同你講﹕“思路﹐嗰样使乜咁惊青啵﹖乜好難咩﹖”
睇住阿sir颯熟狗头咁嗰样﹐
真係宜得兜巴兜巴咁醒佢兩嘢。
條氣好唔鋸又點啊﹖
盲嗰個都知成勣出嚟一定“结澾澾”﹗
唔怪得人嘅﹐自己有咁耐风流就有咁耐折堕。

我想訓餐飽~

近排個人變得好得過且過﹐日日唔係褒帶﹐就o係youtube睇黃子華棟篤笑(真係幾攪笑)。

日子過得好頹廢﹐(都唔知係唔係個fren成日唱爛泥﹐唱下唱下我竟然扶唔上壁﹖)。
明明眼前有一大疊功課等住要做(其實唔係幾趕)﹐我就下下逼自己唔去唸D功課。
呢D叫作“自我催眠有野唔做群後症”﹐其實有邊個放完假﹐就會即刻積極嘎﹖
講“有”果D﹐我唸應該都唔係幾正常呱﹗

有陣時﹐明明好有mood做功課。點知頂盡三分鐘﹐之後肯定訓到成只豬咁。
有時真係想寫只“服”字俾自己﹐日日唔o爹唔吊咁。
D同學仔就個個搏晒命﹐捍穿個頭都係為o左爭果D咁o爹分數。
有陣時睇下自己﹐我除開技不如人之外﹐原來﹐連爭都懶得去爭﹗(阿媽教落﹐不爭先﹗)
我誤解o左呱﹗﹗阿媽﹐你用心良苦啦~
但係﹐唔知佢有冇聽過﹐“執書行頭﹐慘過敗家播﹗”(其實我真係幾抵死嘎)

尋晚夜﹐走o左去個fren果噓抄戲﹐攪到我好遲先返到屋企﹐嗯﹐大概成兩點幾呱。
跟住就唔知自己搞麼﹐摸下摸下﹐三點鐘都未訓﹐之後就一直冇訓直到天光﹐點解﹖﹖
因為我驚萬一訓o左﹐七點會起唔到身﹐因為我八點要去書館交D死人實驗報告﹐真係好叉煩。

其實今日我幾有恆心嘎﹐唸住一心帶D功課去學校做﹐覺得o係圖書館應該可以專心D呱。
點知﹐頭頭碰著黑﹐(阿媽今年唔記得幫我卸太歲﹖)﹐食完早餐﹐唔知係唔係飽過嚨﹐見暈添﹗
跟住就喇喇淋返屋企拍兩粒丸子(頭痛藥)﹐訓覺~

都唔知今日搞麼﹐訓o黎訓去﹐點都訓唔著﹐
碌到成點幾鐘﹐差唔多訓著果陣﹐又冇啦啦俾人吵醒。
天啊﹗﹗﹗但求一餐安樂覺o者﹐唔好咁對我啦﹗﹗
冇﹐其實有個fren拍門拍窗﹐好似想拆o左我間屋咁﹐之後我好嬲咁走去開門﹐
仲未睇清楚佢係邊一位﹐就返房繼續訓。(其實咁好危險﹐萬一係壞人﹐咁就渣都冇咯﹗)
晚上先知原來個fren係o黎搵我抄D野﹐點知原來我嬲爆爆個樣嚇親佢。

好啦﹐我今晚要訓返夠本﹐而家先知原來我個對眼袋﹐大到可以塞銀仔。
訓啦﹗

P/S﹕之前有個高人講過﹕“生前何必貪睡﹐死後自然長眠”。你又點睇呀﹖

非常大卡士~

隆重登場
首部自編自導﹐有點自演的影片。

唔想大考食齋啊~

今次大考真係要食齋咯﹐點算好咧﹖
鬼咩﹐成日對住部腦係咁睇係咁睇﹐邊有心機讀書啦﹐晒氣啦。

今日收聽網絡電台﹐發覺自己原來對做DJ係幾咁有熱誠﹐唸住啦啦聲報名﹐點知我後咪唸深果層﹐懷疑自己唔知掂唔掂。暫時放棄果股衝動。等下個禮拜考完試先算啦。

點左支歌畀敏儀﹐璟良同靜儀﹐大家都幾開心。
係呢邊同大家介紹下呢個新網絡電台﹕MyNetFM

多多支持啊﹗

仲有﹐阿媽﹐考試我唔想肥佬啊﹗﹗﹗﹗﹗

我真係需要奇跡﹗﹗

發牢騷~

尋晚買左幾支酒﹐唸住自己悶悶地時啤一啤佢﹐點知原來我仲唔可以放低咖啡﹐真係唔知點解﹐每當口有嘀渴時﹐我頭一個反應就係﹐嘆咖啡。或者你會覺得我好白痴﹐其實有邊一個唔係習慣左做自己習慣嘀耶嘎﹖咁嘀酒﹐買唻擺咯。。。有嘀敗家。

講到咖啡﹐其實我係想借題發揮一下﹐就括番嘀舊料唻講﹐唔講時好﹐講起就把鬼火﹐事情發生係咁﹐我今日下午唸住沖番杯咖啡當下午茶﹐霎時間我個朋友同我講佢今日慶祝生日﹐哇﹗真係幾咁突然啊﹐不過尋晚夜我差唔多要訓果陣﹐成棚人企晒嚮我房外邊唱生日歌(因為個壽星公住我隔離房)﹐佢地幫個壽星公搞驚喜都唔預我﹐就知道我同佢地個關係有幾咁惡劣啦。哪哪哪﹐搞家精絕對唔係我﹗﹗﹗我一向都係中立嘎﹐唔知點解佢地對我有偏見咋。可能“志不同﹐道不合”呱。

扯太遠左﹐返唻返唻﹐咁佢就邀請我今晚食飯﹐或者我唔係幾想同滴無謂人(尤其是係果個“自認好醒目”同嘀大聲婆)同臺食飯呱﹐咁我就推左佢咯﹐其實佢(壽星公)份人就無麼耶﹐基本上都算得係好人一個﹐我之所以推佢係因為我唔知要點樣去面對住一班眼尾都唔睇我果嘀人﹐學我阿媽話齋﹐嘀人鼻哥窿插香﹐就永遠都唔識麼野叫謙虛﹐講真啦﹐我真係唔知幾時開始﹐佢地一直睇我唔順眼﹐有嘀嘀無辜咯。我又係咁﹐住隔離個清妹又係咁。

得﹐唔講果筆﹐講第二筆﹐都唔知今日係唔係犯小人﹐屋企餐飯食唔成﹐咁就去左個朋友果邊搞煮飯仔﹐當我地食到七七八八果陣﹐我朋友個housemate返到屋企﹐跟住佢就企嚮我後面﹐我就好心問去要唔要坐﹐點知佢竟然振振有詞咁講﹐“我企咁耐就係等你呢句說話”﹐哇﹐仲忍就係衰仔﹐就即刻剷到佢阿媽都唔認得。係丫嘛﹐要位就出聲啦﹐如果開到聲我無理由唔讓給你。

講真果句﹐我純粹發下牢騷。無麼特別意思。晚安。。。

溏心風暴~至愛啊﹗

最近都發覺自己幾 out, 人家溏心播完o左九年我先挖o番來追。真係有D唔好意思。丑死怪啊﹗呢部戲都幾唔錯﹐個個演到七情上面﹐‘巴巴到肉’﹐真係無得彈。個小契關菊英演奸角演到真係差D搞到我打爆部手提腦。哈。大契就簡直係個女中豪傑﹐演技滿分。其他都勁贊啊﹗﹗﹗最搞笑莫過於大小鮑。真係有咁浮誇得咁浮誇﹐好﹗﹗﹗

真係幾唔錯的一部戲。你都快D租番只牒來欣賞啦。 我就來考試啦﹐但係成腦溏心。真係要快快脆褒晒部戲先可以專心溫書﹐唔o世搞到晚晚通頂。哈哈﹗﹗﹗