零蛋勿O嘴﹐井叔好屈機

天啊﹐呢次屈機事件簡直天理難容。
話說有位自認清高0既某某先生﹐呢都我就叫佢井叔啦﹗
佢明明就係果種笑口藏刀型﹐偏偏0係我地面前扮晒好人﹐滿口仁慈咁。

我本身係一直以嚟都係事不關己﹐己不勞心。費事有乜移郁咪盞攪﹗
所以之前我都冇乜想理佢﹐安安份份唔玩花樣。心唸你假你事﹐學米雪姐話齋﹐對得人拜得神﹗
就是咁﹐呢段道不同不相為謀0既關係﹐0係一宗屈機事件﹐完全擦出前所未有0既火花﹗
咩火花﹖講起就把鬼火咯﹗前無古人﹐來無去者﹗

件事係咁0既﹐有一次某某project交0左上去﹐唸住已經畀 足心機做﹐冇十足都有九成把握。
跟住成班人就淡淡定定等成果。

點知﹖﹖﹖﹖﹖﹖
阿井叔好似提早0左更年期﹐成勣出人意表到連自己都唔信﹗
差唔多七十巴仙0既學生食蛋﹐咁梗係包括我在內啦﹗(個心仲痛緊~)
一個二個跟住“嚇”死異鄉咁0既樣，龜速掀開project檢查下自己邊都搞錯﹐
點知道﹐原來真係我錯播﹗(阿媽教落﹐錯就要認﹐打要企定)
不過﹐一個小小0既錯誤就好對唔住啦﹐辦定身後事啦﹗原因係﹐成份野歸西﹗
哇﹗﹗﹗﹗﹗﹗﹗駛唔駛嚴成咁啊﹖之前D seniors都未曾試過﹐唔通我地真係咁樣衰咩﹖
如果真係咁樣衰﹐同情分都畀 多少啦﹐直頭零蛋好寡播﹗

“你地係engineering學生﹐D圖應該要有番咁上下engineer應有0既水準。”
如果我識“婆飛神樓”0既畫工﹐我學嚟把鬼咩﹖日日對住你﹐你估真係貪你夠矮咩﹖(雖然我唔高)

“我唔係話你錯﹐只不過你咁畫係唔啱嘎”
我頂~鬼唔知你阿媽係女人咩﹖我都想話﹐樣衰唔係你0既錯﹐出嚟嚇人你就唔啱啦”

“你地到底知唔知﹐畫圖係需要一種sense”
咁每個人D sense 都唔同﹐你咁有“品味”﹐唔通你D sense係sense﹐我地D sense就係垃圾﹖
橫又死﹐掂又死。你自己一個人玩晒咯﹗

“你地返去睇下自己邊都唔啱﹐有乜問題嚟我房問我啦”
廢話﹗完全係廢話﹗你咁叻耍太極﹐問題球丟畀 你﹐最尾咪係我自己拆掂佢。
問你咪得個吉﹖我唔識鏗返啖氣暖肚咩﹖霎憨﹗

“老師﹐但係我地0既另一個project剛剛先交上去﹐家陣知道自己之前邊都犯錯﹐唔知可唔可以拎返嚟改咧﹖”
“唔准播﹐我幫唔到你”
“但係你咁遲先俾feedback﹐咁對我地好唔公平播”
“呢個係你地0既問題﹐當係教訓啦﹗”

教訓﹖你唔等到出年拜山先同我地講feedback﹖好狠播你~~~~~~~
但係﹐冇變﹐君要臣屎﹐臣不得不屎﹐只不過﹐呢只係個昏君嚟﹗

我已經對呢科冇抱麼希望啦。唯有自求多福﹐是福不是禍﹐睇嚟呢次真係要耶穌“打救”我咯﹗
我同我自己講﹐冇咁易就拉柴0既﹗可能有朝佢發覺我命不該絕﹐赦免我﹐我唔駛屎咧﹖

雖然﹐機會好微~
感嘆，
今夜抱蛋飲恨，冚班笑死街坊！