有咁耐风流就有咁耐折堕~

唔駛急﹐最緊要快~
聽見呢句話﹐唔知笑好﹐定係喊好。
有乜分別嘞﹖
冇咁直接﹐雖然趕﹐但係做起上來條氣順啲。
救命啊﹐最近明明冇麼嘢做﹐之但係因乜解救日日都feel到仲係咁忙嘅﹖
啲同學成日都話功課多到做唔晒﹐得閑死唔得閑病啊陰公﹗

哪哪哪﹐大學生活就係咁盏鬼啦﹐搞到你人唔似人﹐鬼唔似鬼咁。
第二啲唔講﹐講啲死人mid terms﹐真係少啲心血都會畀佢嚇餐飽﹐
阿sir最仲意喺早一個禮拜通知﹐
攪到我哋班學生一有乜依郁﹐就拿拿啉噙噙青﹐滾水熝腳沒覺好訓~
總之攪到我哋陀陀拎啦﹗

所以通常考試都係侧侧膊﹐考完就算。
當一個二個垂頭喪氣行出嚟嗰陣﹐
(以下有啲粗俗同目無尊長﹐敬請原諒﹐當時真係好興~)
啲發瘟阿sir就會好風涼咁同你講﹕“思路﹐嗰样使乜咁惊青啵﹖乜好難咩﹖”
睇住阿sir颯熟狗头咁嗰样﹐
真係宜得兜巴兜巴咁醒佢兩嘢。
條氣好唔鋸又點啊﹖
盲嗰個都知成勣出嚟一定“结澾澾”﹗
唔怪得人嘅﹐自己有咁耐风流就有咁耐折堕。